الفنانة منة عرفة من مواليد 1 مايو 1999، وظهرت لأول مرة سنة 2006 في مسلسل "السندريلا”، لكن الانطلاقة اللي فعلاً عرّفت الناس عليها كانت من خلال فيلم "مطب صناعي” مع النجم أحمد حلمي، وهناك بدأت قصة شهرتها.
و بعد كده شاركت في فيلم "الحب كده” مع الفنان حمادة هلال، وقدمت أداء خلّى الجمهور يشوف فيها موهبة كبيرة رغم سنها الصغير.
واحد من أبرز أدوارها واللي لسه الناس فاكرهولها لحد النهاردة هو شخصية "هالة” في مسلسل "راجل وست ستات” مع الفنان أشرف عبد الباقي، وشاركت في عدد كبير من مواسمه، وده خلّاها تبقى من الوجوه القريبة للجمهور في كل بيت.
و مع مرور الوقت، قدرت منة تطوّر نفسها وتغيّر نوعية أدوارها، وده باين بوضوح في أعمالها الأخيرة زي مسلسل "إسعاف يونس”، واللي قدمت فيه أداء ناضج بيعبّر عن مرحلة جديدة في مسيرتها.
و حاليا منة عرفة واحدة من الفنانات الشابات اللي عندهم حضور قوي، وبتعرف تختار أدوارها بعناية، وبتحاول دايمًا تثبت إنها مش بس نجمة بدأت صغيرة، لكنها قادرة تكمّل وتطوّر من نفسها مع كل خطوة.